Тендерда қатнашишга таклиф қиламиз!

«Urganch yog’-moy» Aksiyadorlik Jamiyati Акциядорлик жамиятлари фаолиятининг самарадорлигини ошириш ва корпоратив бошқарув тизимини такомиллаштириш комиссияси йиғилишининг 2015 йил 31 декабрдаги 9-сон баённомаси билан тасдиқланган Корпоратив бошқарув кодекси тавсияларидан келиб чиққан ҳолда, жамиятда корпоратив бошқарув тизимини баҳолаш учун тендер эълон қилади. Баҳолашни ҳар чорак ва йил якуни билан ўтказиш назарда тутилади.

Тендер ўтказиш шартлари

1. Тендерда қатнашиш учун даъвогарлар қуйидаги ҳужжат ва маълумотларни юбориши лозим:

• Ариза;
• Давлат рўйҳатидан ўтказилганлик тўғрисидаги гувоҳнома ва тегишли лицензия;
• Таклиф қилинаётган шартнома шартлари (ўтказиш муддатлари, хизмат ҳақи ва ҳоказо).

2. Тендер бўйича таклифлар Урганч шаҳри, И. Дўсов кўчаси, 2-уй манзилида ёки жамиятнинг info@urganchyog.uz электрон почтаси орқали қабул қилинади.

Тендерни ўтказиш тартиби

Тижорат таклифлари жорий йилнинг 5 ноябригача қабул қилинади. Жамият учун энг қулай ва манфаатли шартларни таклиф қилган ташкилот тендер ғолиби деб топилади. Тендер натижалари 2016 йил 10 ноябргача бўлган муддатда эълон қилинади.

Қўшимча маълумот олиш учун (0362) 224-57-58 рақамига мурожаат қилишингиз мумкин.